«Сапа менеджменті және мониторинг» бөлімі
- 2018 жылы университетімізде құрылымдық бөлімшелердің қызметінің сапасын анықтау мақсатында оқытушылардан «М.Әуезов атындағы ОҚМУ құрылымдық бөлімшелердің қызметіне қанағаттанушылық» атты сауалнама өтті. Бұл сауалнамалардың нәтижелері 2018 жылдың қазан айында Ректорат кеңесінде қарастырылды.
- Қазақстан Республикасының «Білім туралы» Заңының 43 бабы 4 тармағы 19 тармақшасы, Қазақстан Республикасы Үкіметінің 2007 жылғы 29 желтоқсандағы №14 қаулысының «Азаматтық қызметшілерге, мемелекеттік бюджет қаражаты есебінен ұсталатын қазыналық кәсіпорындардың қызметкерлеріне еңбекақы төлеу жүйесі туралы» 3 тармағы 6 тармақшасын басшылыққа ала отырып, профессорлық-оқытушы құрамын ынталандыру жүйесін жақсарту мақсатында 19.09.2018 жылы комиссия отырысы өтті. 2017-2018 оқу жылының қорытындысы бойынша университеттің профессор-оқытушы құрамына қосымша жалақы төлеуді белгілеу туралы бұйрыққа енді. Бұйрық бойынша 2018-2019 оқу жылында 653 профессор-оқытушы құрамы жалақыға қосымша ақы төленетін болды.
- Осы оқу жылында СМЖ ОҚМУ ПР 8.05-2019 ПОҚ-ның кафедралардың, факультеттердің KPI ережесіне сүйене отырып, ПОҚ қызметін рейтингтік бағалау межелерінің жаңа жобасы әзірленді.
- ҚР СТ 9001-2016 "Сапа менеджменті жүйесі. Талаптар" талаптарына сәйкес 2018-2019 оқу жылының СМЖ процесіне жауапты "Тәуекелдер тізімін" процесін әзірледі.